/p. 452/ DIALOGUS LVIII.
De mortuorum resurrectione
Alex. –
At quomodo eludere poteris tot
defunctorum resurrectiones, quae
sub Ethnicorum Lege acciderunt?
Alcestim, Peliae filiam et Admeti
Pheraeorum Regis coniugem, e
mortuis ad vitam reduxit Hercules. Erichtho
Thessalica malefica ad vitam revocavit militem
recenter occisum, qui Pharsalici belli eventum
Sexto Pompeio praedixit. Apollonius
Tyaneus emortuam puellam vitae restituit.
Zatchlas Aegyptius sacrificulus mortuum cadaver
resurrexit. Nonne Aviolam virum consularem,
Lucium Lamiam, [Caium] Aelium Tuberonem, Corfidium,
Gabienum et plerosque alios defunctos resurrexisse
Plinius attestatur? Similiter Aesopum fabulatorem,
Tyndareum, Herculem atque Palicos
Iovis et Thaliae filios demortuos iterum
revixisse legimus. Quid immoror? In Phygalia,
Arcadiae urbe, complures erant Sacerdotes, animarum
quae vitae functae essent, avocatores.
Quid plura? nonne Divinus Plato refert Pheraeum
Pamphylium, inter eos qui acie ceciderant,
decem diebus iacuisse biduoque postquam